క్యు పధ్ధతి

క్యు పధ్ధతి 

ఎవరైనా మీకు fb లో ఫ్రెండ్ విన్నపం పంపిస్తే, వెంటనే అంగీకరించేస్తారా? ఎంత అమాయకులండి  మీరు? 

బొత్తిగా లౌక్యం లేని వారు.

మన నరనరాల్లో మనకే తెలియకుండా జీర్ణించుకుపోయిన సంస్కృతి ఒకటి ఉంది. అదే 'Que'పధ్ధతి. ఇది 

మనం పాటించడానికి కాదండోయ్, అవతలి వాళ్ళకి పెట్టేస్తూ,అప్పుడప్పుడు మనం కూడా పాటించడానికి 

ప్రయత్నించేది.

పాపాయి కడుపులో పడగానే, డాక్టరమ్మ దగ్గర మొదలవుతుంది ఈ క్యు పధ్ధతి. తినలేక, అరక్క, బరువుగా, 

తీసుకున్న టైం కి nurse లు పంపక కూర్చుని ఉంటే, ఎవరో ఒకరు దూరిపోతారు. ఎలాగో మన వొంతు 

వొచ్చింది కదా అనుకునే లోపు, సంచితో, విలాసంగా,మెడికల్ representative వొచ్చేస్తాడు. చెప్పద్దు, ఆ టైం 

లో తిక్కకి, వాళ్ళని ఒంగోపెట్టి గుద్దేయ్యాలి అనిపిస్తుంది.

అలా కడుపులో ఉండగానే, తీర్ధయాత్రాల్లో, ప్రయాణాల్లో మనకు, తొక్కుకుంటూ,తోసుకుంటూ బ్రతికేసే 

సంస్కృతి అలవాటు అయిపోతుంది. 'పదండి ముందుకు, పదండి,తోసుకు' అదన్నమాట. అందుకే కొంత 

మంది క్యు లలో సమరోత్సాహాన్ని చూపిస్తారు. పరుగులు తీస్తారు. గుద్దుకు చస్తారు కూడా.

అవసరమైన చోట క్యు లు ఒక ఎత్తయితే, అనవసరమయిన చోట ఒక ఎత్తు. మీరు ఉద్యోగానికో,స్కూల్ సీట్ కో

 వెళ్ళారనుకోండి. లోపల సదరు ప్రముఖులు, గోళ్ళు గిల్లుకుంటూ కూర్చున్నా, మిమ్మల్ని ఒక అరగంట 

కూర్చోపెట్టి, తరువాతే అనుగ్రహిస్తారు.అప్పుడు కూడా, మనల్ని చిన్నప్పుడు తిన్న జీళ్ళ దగ్గరనుంచి, అప్పుడే 

తిన్నజిలేబిల దాకా రకరకాల ప్రశ్నలు వేసి, తమ ఆధిక్యాన్ని చాటుతారు.

ఈ క్యు లో కేవలం మనుషులే పెట్టగలరని భ్రమించకండి. ఫోన్ లు కూడా పెట్టేస్తాయి.

ఏదన్నా డౌన్లోడ్ 

చేసుకుందామంటే, వెబ్సైటు లు కూడా పెట్టేస్తాయి. కాబట్టి వీళ్ళంతా చెప్పొచ్చేది ఏవిటంటే, 

వెయిట్ 

చేయించకుండా, సహనాన్ని పరీక్షించకుండా,వొచ్చేది ఏది విలువ లేనిది. మీరు కూడా మళ్ళి ఎవరయినా ఫ్రెండ్ 

రిక్వెస్ట్ పంపితే కొంత కాలయాపన చేసి అంగీకరిన్చాలన్నమాట.

ఇంకెందుకు ఆలోచన, మరి కాలయాపన చెయ్యకుండా, like కొట్టేయ్యండి చెప్తాను. నాకు తెలుసండి, మీరు 

మంచి వారు.