కత్తి గొప్పా - కలం గొప్పా

కత్తి గొప్పా - కలం గొప్పా

నిన్న రాత్రి కాంతారావు గారు కలలోకి వచ్చారండి. అదేనండి, మన కత్తి యుద్ధాల కాంతారావు గారు. వారికి 


నాకు వివాదం జరిగింది, 'కత్తి గొప్పదా, కలం గొప్పదా' అని. ఎప్పుడో మేదోనిధులు కలమే గొప్పదని నొక్కి 


వక్కాణించారు


కదండీ, అన్నాను. అయినా ఆయన వింటేనా, తన కత్తే గొప్పదంటూ ఇలా వాదించారు.

కత్తి చూపించి ఎవరినైనా బెదిరించి గొలుసులు, ఉంగరాలు లాక్కోవచ్చట. మరి నీ కలం సంగతేంటి?

'కలం తో కావ్యాలు రాసి, ఎవరిని బెదిరించాకుండానే, వాళ్ళు తమ గొలుసులు, ఉంగరాలు బహుకరిన్చేలా 


మెప్పిన్చచ్చు. ఇంకా కనకాభిషేకాలు, గండపెండేరాలు తోడిగించుకోవచ్చు ' అని, రాజులు- కవుల కధలు 


జ్ఞాపకం చేసాను.

2 . కత్తుల్లో పలు రకములు కలవు . చాకులు, బాకులు, బల్లాలు, చెక్క కత్తులు, ఇనప కత్తులు, ఇంకా వెండి 


కత్తులు, మరి నీ సంగతేంటి?

' కలములు బహు విధములు, ఘంటములు, సిరా కలములు, బాల్ పెన్నులు, జెల్ పెన్నులు, గ్లిట్టేర్ పెన్నులు, 


అసలు కలమే అక్కర్లేకుండా మెయిల్స్ వ్రాసే కీ పాడ్ , మౌస్' అని చెప్పాను.

3 . కత్తులు పట్టుకుని గంభీరంగా మొహం పెట్టుకుని చిత్ర పాటలు తీయిన్చుకోవచ్చు. వాటిని facebook లో 


కూడా పెట్టుకోవచ్చు. మరి నీ కలం లో అంత రాజసం లేదు కదా. ఆ సంగతేంటి?

'కలం తో బుర్ర గోక్కున్నట్టు, చెంపకు ఆనించుకుని ఆలోచిస్తున్నట్టు, నోట్లో పెట్టుకున్నట్టు చిత్రాలు 


తీయిన్చుకోవచ్చండి,' మరి కత్తి నోట్లో పట్టుకోలేము కదా, అన్నాను.

4 . కత్తితో యుద్ధాలు చేసి రాజ్యాలు సంపాదించచ్చు. ఇంకా ఆత్మ రక్షణ చేసుకోవచ్చు. మరి కలం సంగతో?

' కలంతో చుక్క నెత్తురు ఓడకుండ, సంధి చేసుకుని, తంత్రాలు పన్ని మహా సామ్రాజ్యాలే నిర్మించారు.' అంటూ, 

చాణక్యుని కధ గుర్తు చేసాను. ఇంకా శత్రువు వ్యూహం తెలిస్తే, కత్తి వారి చేతిలో ఉన్నా ఉపాయంతో ఓడించవచ్చు

 అన్నాను.

వారు కాసేపు ఆలోచించి, నన్ను, నా కలాన్ని పరికించి, 'కత్తికి లేని దురద కంతారావుకు ఎందుకు?' అంటూ 

అంతర్ధానమయ్యారు.