వైవిధ్యం

వైవిధ్యం

'వైవిధ్యం', అదే నండి, వెరైటీ. సినిమా వాళ్ళ దగ్గరనుంచి సీరియల్స్ వాళ్ళ దాకా దీని కోసమే తాపత్రయం. 

'మాది చాలా వైవిధ్యమైన సినిమా అండి. హీరోయిన్ కూడా కొత్త అమ్మాయి అయినా చాలా కష్టపడి 


అంకితభావంతో పని చేసింది.' అంటారు దర్శకులు. తీరా సినిమా చుస్తే వైవిధ్యం మాటల్లో తప్ప కధలో,కధనంలో 


ఉండదు.

ఒక సీరియల్ వాళ్ళు ఉడతలు పట్టడానికి వెళితే, ఆ రోజు ఆ సీరియల్ trp పెరిగిందని, మర్నాడు వేరే సీరియల్స్ 


వాళ్ళంతా అదే విధంగా తోకలు కాల్చుకోవడం మనం చూస్తూ ఉంటాం. ఇంకా వైవిధ్యం సరిపోక, పూర్వ జన్మలోకి 


తీసుకువెళ్ళడం, ఉన్న జన్మలో నిజాలు కక్కించి, తంపులు పెట్టి, వినోదించడం, ఇంకా వొంటల కార్యక్రమంలో 


బెండకాయలో బంగాళదుంప కూరి, బొంగులో చికెన్ కూరి రకరకాల తయారీ, ఏదో సీరియల్ పక్షంగా బతికేసే 


నటీనటుల్ని గేదెలు కడిగించి, గంతులు వేయించి, ఇంట్లో నిర్బంధించి, వినోదించడం చూస్తున్నాం. కొత్తగా 


బల్లులని, తొండల్ని మీదకు వొదిలి, అదే గాజు పెట్టె లోని వేలాడే గారె తినమనే, కడుపులో దేవేసేలాంటి 

 కార్యక్రమాలు మొదలుపెట్టారు. దీనినే 'వినోదం వెర్రి తలలు వెయ్యడం' అంటారు.


 పేళ్ళిళ్ళలో ఈ మధ్య జానెడు పొట్ట కోసం బారెడు రకాల వంటకాలని పెట్టడం చూస్తున్నాం. నిజానికి వాటిలో

సగం వృధా అయినా డాబు కోసం, పటాటోపం కోసం, ఉత్తరాది, దక్షినాది, అంటూ రక రకాల వంటలు

పెడుతుంటారు.

వాటికన్నా, తేలిక ఖర్చుతో ముగించి, ఆ ధనాన్ని ఏ అనాధ శరణాలయానికో ఇవ్వడం మిన్న కదా. 

ఆలోచించండి.

చివరగా, 

ప్రేమలో మునిగి తేలుతున్న ప్రియుడు, ప్రియురాల్ని 'ఏమి కావలి?' అని అడిగాట్ట. ఈవిడ వైవిధ్యం కోసం 'కొండ 

మీది కోతి' కావాలని అడిగిందట. అందులో అంతరార్ధం, కొండ మీదికి ఎక్కే దాకా కోతి అక్కడే కూర్చోదు కదా. 

కోతిది చంచల బుద్ధి. ఎలాగు తేలేడు కదా అని.

మరి వైవిధ్యంగా అతను ఏమి సెలవిచ్చాడో తెలుసా?

'కింద నుంచి ఒక కోతిని సంచిలో పట్టికెళ్ళి, కొండ ఎక్కి, దాన్ని కొండ మీద కూర్చోపెట్టి, ఫోటో తీసి, అదే మళ్ళి 

కిందికి పట్టుకొచ్చి నీకు ఇచ్చేస్తాను. లేకపోతె, కొండమీడున్న కోతిని, గురిపెట్టి కాల్చి చంపి దాన్ని తెచ్చి నీకు 

ఇస్తాను.' సరేనా? అని.

అతని మేధా శక్తికి వేద్దామా వీర తాడు?